Ali məktəblərin tələbələri RSXM-də istehsalat təcrübəsi keçirlər

16 fevral 2023-cü il tarixindən etibarən AMEA nəzdində Respublika Seysmoloji Xidmət Mərkəzində Qərbi Kaspi Universitetinin “İnformasiya texnologiyaları” və Azərbaycan Texniki Univeristetinin “Cihazqayırma mühəndisliyi” fakültəsinin tələbələri istehsalat təcrübəsinə başlayıblar.

 Qeyd edək ki, tərtib olunmuş istehsalat təcrübəsi planına əsasən tələbələr “Zəlzələlərin tədqiqatı büro”su və “Mühəndis geologiyası və seysmik mikrorayonlaşdırma” şöbələrində seysmik stansiyanın iş prinsipi, istifadə olunan cihaz və avadanlıqlarla, seysmik məlumatların emalında tətbiq olunan emal proqramları ilə tanış olacaqlar. 

İstehsalat təcrübəsi 30 may 2023-cü il tarixinə qədər davam edəcək.