RSXM əməkdaşının 70 illik yubileyi qeyd olunub

Dekabrın 19-da AMEA nəzdində Respublika Seysmoloji Xidmət Mərkəzində “Geodinamika” şöbəsinin elmi işçisi, geologiya-mineralogiya üzrə fəlsəfə doktoru Şahbəddin Musayevin 70 illik yubileyi qeyd olunub. 

Şahbəddin Musayevin Azərbaycanda tanınmış geoloqlardan biri olduğunu qeyd edən AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli Ş.Musayevi 70 illik yubileyi münasibəti ilə təbrik edərək, ona ən xoş arzularını çatdırıb.

Tədbirdə Şahbəddin Musayev geologiya və seysmologiya elminin inkişafındakı xidmətlərinə görə AMEA-nın Yer Elmləri bölməsinin və AMEA nəzdində RSXM-nin “Fəxri Fərman”ı ilə təltif olunub. 

Hər iki “Fəxri Fərman”ı yubilyara RSXM-nin baş direktoru, AMEA-nın müxbir üzvü, professor Qurban Yetirmişli təqdim edib. 

Şahbəddin Musayev göstərilən diqqətə görə RSXM-nin rəhbərliyinə və kollektivinə minnətdarlığını bildirib.