RSXM əməkdaşları vebinarda iştirak ediblər
Müasir seysmoloji tədqiqatlar və seysmik məlumatların toplanmasında istifadə olunan yeni tətbiqlərlə bağlı tərəfdaş ölkələrdən olan seysmoloq alim və mütəxəssislərin iştirakı ilə davamlı olaraq vebinarlar keçirən ABŞ-ın “Kinemetrics” şirkəti noyabrın 3-də daha bir vebinar təşkil edib. “Fövqəladə Hallar Zamanı Seysmik Cavab Məlumatlarının Etibarlılığının Təmin Edilməsi – Cihaz Seçimi Real Vaxt Qərar Qəbuletməsinə təsiri “ mövzusunda məruzəni professor Xalid Seyfullah ( Kinemetrics, Inc.) təqdim edib. O öz məruzəsində qeyd edib ki, dəqiq ölçmələr yer hərəkətinin binalara və digər infrastruktura təsirini müəyyən etməkdə çox vacibdir və binaların seysmik göstəricilərinin mərtəbələrarası sürüşməsi kimi vacib əsas göstəricilərinin əsasını təşkil edir.

Tikinti normaları və dizayn qaydaları cihazlarla təchiz olunmuş binalardan əldə edilən tarixi məlumatlara və laboratoriyalarda aparılan eksperimental qiymətləndirməyə əsaslanaraq parametrlərə məhdudiyyətlər müəyyən edir, lakin mühəndislər, qərar qəbul edənlər və təcili yardım işçiləri üçün mövcud olan real vaxt məlumatları yalnız məlumat verən sistem qədər etibarlıdır.
Məruzəçi həmçinin mövzu ilə bağlı sualları cavablandırıb. Professor Xalid Saifullah müxtəlif ssenarilər altında müxtəlif növ seysmik cihazların istifadəsinə və tətbiqinə təsir edən vacib amilləri haqqında məlumat verib. Dr. Saifullah həmçinin real dünya şərtlərini təmsil etmək üçün hazırlanmış nəzarətli mühitdə akselerometrlərin müqayisəli tədqiqatından sınaq prosedurlarını və nəticələri haqqında danışıb.
Vebinarda Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin tədqiqatı bürosunun rəisi, Yer elmləri üzrə fəlsəfə doktoru Səidə İsmayılova və büronun rəis müavini Ruqiyyə Kərimova iştirak ediblər.