RSXM-nin baş direktoru Türkiyə universitetlərinin nümayəndələri ilə onlayn görüş keçirib

Noyabrın 24-də Azərbaycan Milli Elmlər Akademiyası və Türkiyə Elm və Texnoloji Tədqiqat Şurası (TUBİTAK) arasında imzalanmış Əməkdaşlıq Sazişi çərçivəsində “Zoom” platforması üzərindən onlayn görüş keçirilib. 

Görüşdə Türkiyənin Kocaeli Universitetinin professoru Fadime Sertçelik, Fırat Universitetinin professoru Mehmet Köküm, Kocaeli Universitetinin professoru İsmayıl Talih Güven, Türkiyə Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD) nümayəndəsi, professor Kurşat Alyamac, Eskişehir Texniki Universitetinin nümayəndəsi Muammer Tun, Kocaeli Universitetinin nümayəndəsi Tahir Serkan, AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli, “Zəlzələ ocaqlarının dinamikası” şöbəsinin müdiri, geologiya-mineralogiya üzrə fəlsəfə doktoru, dosent Səbinə Kazımova iştirak ediblər.

İclasda gələcəkdə birgə həyata keçiriləcək layihələrlə bağlı məsələlər müzakirə olunub. Həmçinin, tərəflər ikitərəfli birgə elmi-tədqiqat işlərinin aparılmasına dair fikir mübadiləsi aparıblar.