RSXM-nin futbol komandası növbəti qələbəsini qazandı

Aprelin 27-də AMEA-nın Azad Həmkarlar İttifaqının (AHİ) və Gənc Alim və Mütəxəssislər Şurasının təşkilatçılığı ilə Ümummilli lider Heydər Əliyevin anadan olmasının 99 illik yubileyinə həsr edilmiş AMEA-nın gənc alim və mütəxəssislərinin VII institutlararası futbol çempionatı çərçivəsində növbəti oyunlar keçirilib. 

Növbəti qarşılaşma AMEA nəzdində Respublika Seysmoloji Xidmət Mərkəzi və Yüksək Texnologiyalar Parkının komandaları arasında olub. Görüş seysmoloqların komandasının 9:4 hesabı ilə qalib gəlməsi ilə başa çatıb. 

Qeyd edək ki, çempionatda akademiyanın 20 elmi müəssisə və təşkilatlarından 19 komanda iştirak edir. Oyunlar AFFA-nın hakimi tərəfindən idarə olunur. Çempionata mayın 25-də yekun vurulacaq.

AMEA nəzdində RSXM-nin İnformasiya şöbəsi