RSXM-nin "İnformasiya" şöbəsinin əməkdaşı Vikipediya təlimlərindəki uğurlu iştirakına görə diplom və sertifikatla təltif olunub

Dekabrın 29-da Azərbaycan Milli Elmlər Akademiyasının Mərkəzi Elmi Kitabxanası (MEK) və “Qorqud” Vikipediya Metodik Klubunun təşkilatçılığı, Yeni Azərbaycan Partiyası Yasamal rayon təşkilatının dəstəyi ilə Vikipediya təlimlərində iştirak edən və Azərbaycanla bağlı çoxsaylı məqalələr yaradan təlim iştirakçılarının mükafatlandırılması mərasmi keçirilib. Mərasimdə təlim iştirakçıları diplom və sertifikatlarla təltif olunublar. Tədbirdə “Qorqud” Vikipediya Metodik Klubunun, YAP Yasamal rayon təşkilatının rəhbərliyi, eləcə də təlimi yüksək göstəriclərlə başa vurmuş elmi müəssisə və təşkilatların nümayəndələri iştirak ediblər. 

AMEA nəzdində Respublika Seysmoloji Xidmət Mərkəzinin "İnformasiya" şöbəsinin redaktoru Nuranə Məmmədova “Qorqud” Vikipediya Metodik Klubunun təlimlərində uğurlu iştirakına və yeni məqalələr yaratdığına görə diplomla, eləcə də Vikipediyanın Azərbaycan bölməsində İnformasiyanın kontent təhlükəsizliyi ilə bağlı yaratdığı çoxsaylı məqalələrə görə sertifikatla təltif olunub. RSXM əməkdaşına mükafatı YAP Yasamal rayon təşkilatının sədri Bəxtiyar Nəbiyev təqdim edib.