RSXM-nin şöbə müdiri “Fəxri Fərman”la təltif olunub

AMEA nəzdində Respublika Seysmoloji Xidmət Mərkəzinin “Seysmoloji materialların təhlili və təfsiri” şöbəsinin müdiri Rasimə Abdullayeva  “Elmi və elmi - istehsalat sahəsindəki səmərəli fəaliyyətinə görə Fəxri Fərman”la təltif olunub. Bununla bağlı AMEA nəzdində RSXM-də tədbir keçirilib. AMEA nəzdində RSXM-nin baş direktoru, AMEA-nın müxbir üzvü, professor Qurban Yetirmişli “Fəxri Fərman”ı Rasimə Abdullayevaya təqdim edib.  

Professor Qurban Yetirmişli bildirib ki, Rasimə Abdullayevanın AMEA nəzdində RSXM-nin fəaliyyətində böyük əməyi var. O, 48 ildir bu sahədə çalışır və bir neçə dəfə səmərəli fəaliyyətinə görə həm AMEA, həm də mərkəz rəhbərliyi tərəfindən “Fəxri Fərman”la təltif olunub. 

Xatırladaq ki, Rasimə Abdullayeva bundan əvvəl Azərbaycan Respublikası Prezidentinin Sərəncamı ilə “Tərəqqi” medalı ilə təltif olunub.