RSXM-nin şöbə müdirinin 75 illik yubileyi qeyd olunub

AMEA nəzdində Respublika Seysmoloji Xidmət Mərkəzinin “Kompleks geokimyəvi tədqiqatlar” şöbəsinin müdiri, geologiya-mineralogiya elmlər doktoru Ramidə Kərəmovanın 75 illik yubileyi qeyd olunub.

AMEA  nəzdində RSXM-nin  baş direktoru, AMEA-nın müxbir üzvü, professor Qurban Yetirmişli və kollektiv üzvləri onu evində ziyarət edərək 75 illik yubileyi münasibəti ilə təbrik ediblər. Ona AMEA-nın vitse-prezidenti, akademik İbrahim Quliyevin adından Yer Elmləri bölməsinin “Fəxri Fərman”ı təqdim olunub.

RSXM-nin baş direktoru Qurban Yetirmişli Ramidə Kərəmovanı öz adından və kollektivin adından təbrik edərək ona can sağlığı arzulayıb. Ramidə Kərəmovanın uzun illərdir RSXM-də çalışdığını bildirən baş direktor yubilyara sağlıq durumunda yaranmış problemlə bağlı şəfa diləyərək yubileyi münasibəti ilə xatirə hədiyyəsi təqdim edib.