Seysmoloji Mərkəzin baş mühəndisi Ramiz İskəndərovun 70 illik yubileyi qeyd olunub

Yanvarın 23-də AMEA nəzdində Respublika Seysmoloji Xidmət Mərkəzində mərkəzin baş mühəndisi, “Əməkdar mühəndis”  Ramiz İskəndərovun 70 illik yubileyi qeyd olunub.

Ramiz İskəndərovun mərkəzdə uzun illərdir çalışdığını bildirən RSXM-nin baş direktoru, AMEA-nın müxbir üzvü, professor Qurban Yetirmişli bildirib ki, o hər zaman öz işində peşəkar və məsuliyyətli işçi olub. R.İskəndərovun RSXM-dən əvvəl də müxtəlif məsuliyyətli vəzifələrdə çalışdığını qeyd edən baş direktor respublika ərazisində yerləşən seysmik stansiyaların qurulmasında Ramiz İskəndərovun böyük əməyinin olduğunu qeyd edib. Onun sözlərinə görə, Ramiz İskəndərovun xidmətləri dövlət tərəfindən də yüksək qiymətləndirilib və o, Azərbaycan Respublikası Prezidentinin “Azərbaycan Milli Elmlər Akademiyasının əməkdaşlarına fəxri adların verilməsi haqqında”  3 noyabr 2015-ci il tarixli (1509) Sərəncamla “Əməkdar mühəndis” fəxri adına layiq görülüb.  Professor Qurban Yetirmişli Ramiz İskəndərovun bu gün öz işində böyük əzmlə və məsuliyyətlə çalışdığını qeyd edib. Baş direktor Ramiz İskəndərovun kollektiv arasında da böyük hörmət və nüfuz qazandığını qeyd edərək, onu 70 illik yubileyi münasibəti ilə təbrik edərək, ən xoş arzularını çatdırıb.

Daha sonra “Seysmologiya” şöbəsinin müdiri, geologiya-mineralogiya elmlər doktoru Tahir Məmmədli, “Zəlzələlərin tədqiqatı bürosu” nun rəisi, Yer elmləri üzrə fəlsəfə doktoru Səidə İsmayılova, büro rəsinin müavini Ruqiyyə Kərimova, “İnformasiya” şöbəsinin müdiri Vüsalə Rafiqqızı, “Beynəlxalq əlaqələr” şöbəsinin müdiri Telman Cəfərov və başqaları yubilyar haqqında yüksək fikirlər söyləyərək ona 70 illik yubileyi münasibəti ilə ən xoş arzularını çatdırıblar.

RSXM-nin baş direktoru Qurban Yetirmişli 70 illik yubileyi münasibəti ilə Ramiz İskəndərovun fəaliyyətinin AMEA rəhbərliyi tərəfindən də yüksək qiymətləndirildiyini bildirərək onun AMEA-nın Yer Elmləri bölməsi və RSXM-nin “Fəxri Fərman”ı ilə təltif olunduğunu qeyd edib. RSXM-nin baş direktoru hər iki “Fəxri Fərman”ı yubilyara təqdim edib. 

Sonda Ramiz İskəndərov göstərilən diqqətə görə mərkəz rəhbərliyinə və kollektivə öz təşəkkürünü bildirib.