Türkiyədə baş verən zəlzələ ilə bağlı müzakirələr aparılıb

Fevralın 8-də Türkiyədə baş verən zəlzələ ilə bağlı Türkiyə, Azərbaycan və bir sıra xarici ölkələrdən olan alimlərin iştirakı ilə “Zoom” platforması üzərindən onlayn konfrans keçirilib. Konfransın əsas mövzusu Türkiyənin Qaziantep-Kahramanmaraş şəhərlərində baş vermiş dağıdıcı zəlzələlərlə bağlı olub.

Konfransda AMEA nəzdində Respublika Seysmoloji Xidmət Mərkəzinin “Zəlzələ ocaqlarının dinamikası” şöbəsinin müdiri, geologiya-mineralogiya üzrə fəlsəfə doktoru, dosent Səbinə Kazımova iştirak edib. İclasda baş verən zəlzələ və ondan sonra qeydə alınan afterşoklar, Türkiyənin tektonik quruluşu, zəlzələ baş verən ərazidə olan tarixi zəlzələlərə dair müzakirələr aparılıb. 

RSXM-nin şöbə müdiri Səbinə Kazımova mərkəzdə baş verən zəlzələ ilə bağlı aparılan ilkin tədqiqat işləri və hazırki vəziyyətə dair məruzə ilə çıxış edib. 

AMEA nəzdində RSXM-nin İnformasiya şöbəsi